CUMUNICADU STAMPA
VIII EDITZIONI STRÀNGIUS: TESTIMONIS DE SU NOSTRU TEMPU
Festival Literàriu Internatzionali de sa Literatura Autobiogràfica
Serramanna (SU), de su 4 a su 6 e de su 10 a su 14 de cabudanni 2025
Custa mangianu s’est tentu sa cunferèntzia stampa de presentatzioni de s’VIII editzioni de su Festival Literàriu Internatzionali de s’Autobiografia Stràngius, organizau de su Comunu de Serramanna in collaboratzioni cun s’Assòtziu Città de sa Terra Cruda e cun su patrotzìniu de sa Regione Sardigna.
Su Festival, nàschiu pro donai valoru a sa figura de su serramannesu Vico Mossa — architettu de talentu straordinàriu, studiusu de sa stòria e de is particularidadis culturales sardas e autori de su romanzu autobiogràficu I cabilli — est possìbili gràtzias a su contributu de medas realidadis associativas localis. S’oberietivu est cussu de criai momentos pretziosus de incontru e de cunfrontu intre mundos e culturas diferentis.
S’editzioni 2025 de Stràngius si tenit a Serramanna (SU) in duus momentos: de su 4 a su 6 de cabudanni e de su 10 a su 14 de su mesu pròpiu, in is sugestivus bixinaus antigusu de su logu, ospitau in is cortilis de is domus campidanesas in terra cruda (ladiri). Su programa proponit unu calendàriu ricu de presentatzionis, reading literàrius e mostras.
Is appuntamentos cun is iscolas, racòllius suta su tìtulu Stràngius a Iscola, sunt prevìdius de su 10 a su 14 de sant’Andria 2025.
Su tema
Su tema de custa editzioni est:
“Resistèntzias. Intre ricerca intranzigenti de sa libertadi e opositzioni a totalitarismos e soprùscius”.
Sa parola Resistèntzia derivat de su latinu resistentia, dae resistere, cumpòstu de re- (in arrèxiu) e sistere (firmài). S’etimologia indicat su firmasi respingendi, su no cediri a una força o a una spinta — afirmat su diretori artìsticu Giuseppe Manias — In custu festival eus scetu de contai diferentis formas de Resistèntzia, arregordendi is paràulas de su mannu partigianu Sandro Pertini: “No seu unu eroe. Seu sceti unu òmini chi at nau no”.
Is autoris ospitis
Is ospitis de custa editzioni sunt:
Maram al-Masri (Sìria, 1962), poetissa, bivit a Parigi. Is òperas suas, tradùdias in medas limbas, ant tentu premios e riconoscimentus internatzionalis.
Alberto Bocchetta (Casteddu, 1953), mèigu psichiatra e docenti finas a su 2020. Dae su 2022 est presidenti ANPPIA Sardigna.
Mario Capanna (1945), polìticu e iscritori, leader de su Sessantotu. Deputau ed europarlamentari, autori de medas libros.
Luca Casarini (1967), ativista, fundadori de Mediterranea Saving Humans. Partètzipat a su Sinodu de is obispos su invitu de papa Francesco.
Michel Cassir (Egittu, 1952), poeta e scièntziu, bivit a Parigi. Tradùiu in prus limbas, at bincidu su Grand Prix de la Poésie Francophone.
Francesco Casula (Ollolai, 1950), stòricu e giornalista. Autori de estudiosus subra sa limba, sa stòria e sa cultura de sa Sardigna.
Beniamino Deidda (Sardigna, 1942), magistrau e procuradori generali a Firentze. Esperto de deretu de su traballu, oi divulgadori subra is temas de sa Costitutzioni.
Monica Giorgi (Livornu, 1946), ex tennista e insegnanti de filosofia. Feminista e ativista, at iscritu saggius e promòviu is deretus de is detenutus.
Giulio Guarini, professor de Economia polìtica a s’Universidadi de sa Tuscia. Esperto de isvilupu, transitzioni ecològica e disugualiantzas.
Felicia Vitale Impastato, ativista e fundadora de Casa Memoria. Dae semper impegnada a custòdi sa ereditadi de Peppino Impastato.
Tommaso Juhasz (1992), ativista de Ultima Generazione e olivicoltori. Studiosu de filosofia e espiritualidadi, impegnau contra sa crisi climàtica.
Teresa Manes, ativista contra bullismu e cyberbullismu a pustis de sa morti de su fillu Andrea. Cavalieri a su Meritu de sa Repùblica.
Serena Marchi (Verona, 1981), giornalista e autora. At pubblicau saggius e biografias, bincendi su Premi “Gianni Mura”.
Vittorino Mason, iscritori, alpinista e regista. Promovit cultura e ambienti, autori de libros e videos de poesia-visiva.
Ian McKinley (Irlanda, 1989), ex rugbista. A pustis de unu gravi infortunzu a sa vista est torradu a giogai e at bistiu sa maglia de sa Nazionali italiana.
Renato Franco Natale (Casal de Principe, 1948), mèigu e sìndigu de su 2014 a su 2024. Simbolu de sa luta contra sa camorra.
Laura Orlandini, stòrica e ricercadora a Ravenna. Studia cunflitus socialis, Resistèntzia e su rolu de is fèminas in su Noighentu.
Is biografias cumplèssias aici:
Autoris 2025
Su programa
Su Festival est articolau in oto giornadas, ogna una cun unu suta-tema:
- Giòbia 4 cabudanni – RESISTÈNTZIA DE IS MADRIS
- Cenàbara 5 – RESISTIRI PRO S’AMBIENTI
- Sàbadu 6 – RESISTIRI A IS INGIUSTÌTZIAS
- Mèrcuris 10 – RESISTIRI CUN SA POESIA
- Giòbia 11 – HO-TANTA… DE 80 DE RESISTÈNTZIA
- Cenàbara 12 – RESISTENTIS
- Sàbadu 13 – RESISTIRI CUN SU SPORT
- Domìniga 14 – RESISTIRI PRO UNU MUNDU MEGUS
Su programa cumplètu aici:
Su programa 2025
Is premios
In su cursu de sa manifestatzioni ant a essi atribuius is premios literàrius:
“Franco Putzolu: testimoni de s’identidadi sarda”
“Vico Mossa: testimoni de su nostru tempu”.
Is mostras
De su 4 a su 14 de cabudanni, dònnia die de is 10 a is 12 e de is 17 a is 20, est possìbili visitai duas mostras:
- Vivo seu partigianu. Nino a Gaza — mostra de Francesco Del Casino, a cura de Francesco Virdis, in sa Cresia de Santu Sebastianu (bia Serra, 42).
- Stràngius a stràngius: resistiri a su tempu e a is modas — a cura de s’Assòtziu Traditzionis Popolaris Serramanna, a su Montegranàticu (bia Montegranàticu).
Su percorsu espositivu sighit fintzas in is meses de cabudanni e sant’Andria cun àteras duas mostras:
- Is Resistèntzias de Putzolu — vignetas de Franco Putzolu.
- Resistèntzias. 8 annus de Stràngius — mostra fotogràfica a cura de Giulia Camba, Deborah Succa e Giuseppe Manias.
Sa tàula tunda
Unu momentu de riflessioni chi at a biri is rapresentantis de is Festival partner cunfrontai subra su tema:
“Is festival literàrius e sa Limba sarda: problemàticas e oportunidadis”.
Appuntamentu prevìdiu pro sàbadu 25 de ladàmini a is oras 17.30.